کپتان اور جہانگیر ترین نااہلی کیس میں نئی پیشرفت ، بڑی خبرآگئی

اسلام آباد (نیوز ڈیسک) سپریم کورٹ نے آف شور کمپنیوں کے معاملے پر عمران خان اور جہانگیر ترین کیخلاف کیس میں وکلاء صفائی کو جواب کیلئے ایک ہفتے کا وقت دے دیا۔ عدالت نے الیکشن کمیشن اور وفاق کو نوٹسز جاری کرتے ہوئے جواب طلب کر لیا۔جسٹس ثاقب نثار کی سربراہی میں تین رکنی بینچ نے عمران خان اور جہانگیر ترین کیخلاف حنیف عباسی کی درخواست پر سماعت کی۔ عمران خان کے وکیل نعیم بخاری نے مؤقف اختیار کیا کہ حامد خان نے کیس میں پیش نہ ہونے کا فیصلہ کیا ہے، جواب کیلئے وقت دیا جائے۔ تحریک انصاف کے وکیل انور منصور نے بھی استدعا کی کہ ان کی خدمات گزشتہ روز حاصل کی گئیں، اس لیے جواب جمع کرانے کیلئے وقت دیا جائے۔ درخواست گزار حنیف عباسی کے وکیل اکرم شیخ نے کہا کہ انہیں وکلاء صفائی کو جواب کیلئے وقت دینے پر کوئی اعتراض نہیں، البتہ معاملے پر وفاق اور الیکشن کمیشن کو بھی نوٹسز جاری کر کے جواب طلب کیا جائے۔عدالت نے عمران خان اور تحریک انصاف کے وکلاء کو جواب جمع کرانے کیلئے آئندہ بدھ تک کا وقت دے دیا جبکہ وفاق اور الیکشن کمیشن کو بھی نوٹس جاری کر کے جواب طلب کر لیا گیا۔ مقدمے کی سماعت 30 نومبر تک ملتوی کر دی گئی۔(اس خبر یا مواد سے ادارے کا متفق ہونا ضروری نہیں !تمام خبریں اور مواد مروجہ ذرائع سے حاصل کیاگیاہے)

Facebook Comments

مزید

اہم صوبائی دارالحکومت میں بارشوں نے بڑی تباہی مچا دی، افسوسناک خبر آگئی
قادری لیگی حکومت پر برس پڑے ،سنسنی خیز انکشافات
میرا بوائے فرینڈ فلم انڈسٹری سے نہیں ہو گا ‘بلکہ سونم نے حیران کن بات کہہ دی
طاہر اشرف مودی پر برس پڑے، کرارا جواب دیدیا
بغلیں بجانیوالے وزرا منہ چھپاتے پھریں گے،شیخ رشیدکے بیان نے ہلچل مچادی
پاکستان میں ملک گیر ہڑتال ، کب اور کیوں ہونے جارہی ہے ؟ انکشاف نے ہلچل مچادی