کرکٹ کی دنیا کا انوکھا ریکارڈ، ایک ہی کھلاڑی نے سارا میچ کھیل لیا

کرکٹ کی دنیا کا انوکھا ریکارڈ، ایک ہی کھلاڑی نے سارا میچ کھیل لیا

اسلام آباد(نیوزڈیسک)دنیا بھر کے سبھی کھیلوں میں کرکٹ سمیت روزانہ نت نئے اور انوکھے واقعات جنم لیتے ہیں ۔ساتھ ساتھ نئے ریکارڈ بھی بنتے، بکس میں اپنی جگہ بناتے اور تاریخ کا حصہ بن جاتے ہیں۔حال ہی میں 12دسمبر 2015ء کو جنوبی افریقین شہر،پریٹوریا میں ایک عجیب وغریب ریکارڈ منصفہ شہود پر آیا۔اس دن انڈر19 کی سطح پر خواتین کی دو ٹیموں، مپومالنگاویمنز انڈر19 ٹیم اور ایسٹرنزویمنز انڈر19 ٹیم کے مابین ٹی ٹوینٹی میچ کھیلا گیا۔ مپومالنگا نے پہلی باری کھیلی۔ دوران کھیل ٹیم کے نو کھلاڑیوں نے ایک رن بھی نہیں بنایا… اس کے باوجود وہ حیران کن طور پر میچ جیتنے میں کامیاب رہی۔وجہ یہ کہ میچ میں کی مپومالنگا کی اوپنر، شانیہ لی سوارٹ (Shania-Lee Swart) نے 86 گیندوں پر 160 رنز کی اننگز کھیلی جس کی بدولت ان کی ٹیم نے ایسٹرنز کو 42رنز سے شکست دے دی۔سوارٹ کی یہ شاندار اننگز 18 چوکوں اور 12 چھکوں سے مزین تھی۔ دلچسپ امر یہ کہ ان کی ٹیم کے نو کھلاڑی کریز پر ضرور آئے لیکن انہوں نے اسکور بورڈ کو زحمت دینے کی کوشش تک نہ کی۔سوارٹ کی سعی کی بدولت اس کی ٹیم نے آٹھ وکٹ کے نقصان پر 169 رنز بنائے جس میں بقیہ نو رنز ایکسٹراز کے تھے۔جواب میں ایسٹرن کی ٹیم چھ وکٹ کے نقصان پر 127 رنز بنا سکی جس میں سے دو وکٹیں سوارٹ نے لیں۔ یوں شانیہ کی ٹیم 42 رنز سے فاتح ٹھہری۔

سورس: ایکسپریس نیوز
شئیر کریں

Facebook Comments

مزید

پاکستان بمقابلہ ویسٹ انڈیز سیریز کا اعلان ، شائقین کیلئے بڑی خبر آگئی
آسٹریلیا، سائوتھ افریقہ کے درمیان پہلا ٹیسٹ ، شائقین کیلئے بڑی خبرآگئی
سہیل تنویر نے بڑا ریکارڈ قائم کر دیا، قیمتی ترین بالر بن گئے
اظہر علی نے آخری میچ میں فتح کی اصل وجہ بتادی
پاکستانی ٹیم کیلئے ورلڈکپ میں شرکت بھی خطرے میں پر گئی، شائقین کیلئے بری خبر آگئی
سپاٹ فکسنگ سکینڈل ایک اور کھلاڑی کو لے ڈوبا