فلسطین کی حمایت پر امریکی کانگریس میں سلامتی کونسل کے خلاف قرار داد منظور

11

واشنگٹن: امریکی ایوان نمائندگان نے اقوام متحدہ کی سلامتی کونسل کیخلاف قرارداد بھاری اکثریت سے منظور کرلی۔
حزب اقتدار اور حزب اختلاف دونوں پارٹیوںکی جانب سے مشترکہ طورپرپیش کردہ قرارداد میں سلامتی کونسل کی منظور کردہ اس قرارداد کو شدید تنقید کا نشانہ بنایا گیا ہے جس میں مقبوضہ فلسطینی علاقوں میں یہودی بستیوں کی تعمیرکے اسرائیلی اقدام کوخلاف قانون قراردیتے ہوئے اس کی مذمت کی گئی تھی۔ قراردارمیں مطالبہ کیاگیاہے کہ سلامتی کونسل اس قراردادکی زبان تبدیل یامنسوخ کرے۔
وائس آف امریکا کے مطابق قراردادکے حق میں341 جبکہ مخالفت میں 80 ووٹ پڑے۔ قرارداد میں اسرائیل کی حمایت کا اعلان کرتے ہوئے امریکی انتظامیہ پر زور دیا گیا ہے کہ مستقبل میں اقوام متحدہ میں اس نوعیت کی قرارداد پیش ہونے کی صورت میںمخالفت کی جائے۔ امریکی کانگریس کے ایوان زیریں کی قراردادمیں سلامتی کونسل کی اسرائیل مخالف قراردادکویک طرفہ اورمشرق وسطیٰ میں قیام امن کی راہ میں رکاوٹ اور اسرائیل کوبلاجواز مورد الزام ٹھہرانے پر مبنی قراردیا گیا ہے۔
قرارداد امریکی ایوان نمائندگان کی خارجہ امور کمیٹی اور رپبلکن ارکان ایڈوائس اورایلیٹ اینگل نے ایوان کے دیگر105ارکان کی حمایت سے پیش کی جن میں31کاتعلق موجودہ حکمراں جماعت ڈیموکریٹک پارٹی سے ہے۔ قرارداد میں سلامتی کونسل سے مطالبہ کیاگیاہے کہ وہ اسرائیل مخالف قرارداد کی زبان مکمل طورپرتبدیل یامنسوخ کردے۔ امریکا میں اسرائیل کی حامی تنظیموں کی طرف سے ایوان نمائندگان کے اس اقدام کا زبردست خیرمقدم کیا گیا ہے۔
دوسری طرف اسرائیل نے بطور احتجاج اقوام متحدہ کی سلامتی کونسل کودیے جانے والے فنڈمیں6ملین امریکی ڈالرکی رقم کی کٹوتی کردی ہے۔ اسرائیل اقوام متحدہ کو40 ملین سالانہ دیتاہے جومسئلہ فلسطین کے حل کیلیے بنائی گئی 4 کمیٹیوں کے بجٹ پرخرچ ہوتاہے۔
سورس: ایکسپریس نیوز
شئیر کریں

Facebooktwittergoogle_plusredditpinterestlinkedintumblrmail

مزید

49 پامپور میں بھارتی قابض فوج کا نیا ڈرامہ بے نقاب
dasdas ٹرمپ کی مسلمانوں کیخلاف اقدامات پر مخالفت میں امریکا کی بڑی شخصیات نکل پڑیں، خود کو مسلمان کی حیثیت سے رجسٹر کرنے کا فیصلہ
sdadsa چین کا بھارت پر کرارہ وار،مودی سرکاری کو اس کی اوقات یاد دلاد ی،بھارتی حیران رہ گئے
10 دوحملہ آوروں نے بھارتی فوج کو ناکوں چنے چبوا دیئے
229 یہ کیا سے کیا ہوگیا !وزیرداخلہ کا نام بھی بہاماس لیکس میں شامل
84 ٹرمپ نے منتخب ہوتے ہی تارکین وطن پر بجلی گرا دی