عمران خان کی وزیراعظم نواز شریف کو نئی تجویز

چکدرہ ( نیوز ڈیسک) عمران خان کہتے ہیں کہ وزیراعظم نواز شریف پاناما لیکس پر احتساب سے ڈرتے ہیں، میاں صاحب اپنے ساتھ میرا احتساب بھی کرالیں، کپتان نے وزیراعظم کے ساتھیوں پر بھی تنقید کی۔چکدرہ میں جلسہ عام سے خطاب کرتے ہوئے پاکستان تحریک انصاف کے سربراہ عمران خان نے وزیراعظم سے سوال کیا کہ میاں صاحب احتساب سے کیوں ڈرتے ہیں؟، نواز شریف سے پامانا میں نام آنے پر جواب مانگا، میاں صاحب کہتے ہیں تمہارا بھی نام ہے، میں کہتا ہوں میرا اور اپنا ایک ساتھ احتساب کرو، کرپشن ملک کیلئے کینسر کی حیثیت رکھتی ہے، ملک کا سربراہ کرپشن کرتا ہے تو نظام تباہ ہوجاتا ہے، وعدہ کیا تھا پختونخوا سے 90 دن میں بڑی کرپشن ختم کریں گے، مریم نواز کے موٹو گینگ کو چیلنج کرتا ہوں ایک کیس بتادیں۔پی ٹی آئی چیف بولے کہ اگلے ہفتے ایک اور نیا قانون آنیوالا ہے، سرکاری محکمے میں کرپشن کی نشاندہی پر 30 فیصد ملے گا، نواز شریف کو چیلنج کرتا ہوں آپ بھی ایسے قانون بنائیں، میاں صاحب آپ ایسے قانون نہیں بنائیں گے ورنہ خود پکڑے جائیں گے۔ان کا کہنا ہے کہ آپ پر خرچ کیا جانیوالا پیسہ میگا پراجیکٹ پر لگتا ہے اور ان منصوبوں سے بڑے بڑے کمیشن بنتے ہیں، یہ سارا پیسہ ان کے بینک اکاؤنٹس میں جاتا ہے، پنجاب میں موٹر وے 45 ارب اور پختونخوا میں 35 ارب کا ہے، پنجاب میں 10 ارب روپے کسی کی جیب میں گئے۔عمران خان کہتے ہیں کہ لوڈشیڈنگ پر خیبرپختونخوا کو برا بھلا کہا جاتا ہے، وفاق کی طرف سے بجلی پوری نہیں ملتی، وفاق بجلی کی ڈسٹری بیوشن پختونخوا کو دے دے، بجلی چوری، کرپشن، لوڈشیڈنگ ختم اور قیمتیں بھی کم کردیں گے۔انہوں نے پھر اعلان کیا کہ نواز شریف سے لوٹی گئی دولت کا حساب لیں گے، ٹیکس کی چوری کرنے والا کیسے دوسروں کو روکے گا، تحریک انصاف اگلے ہفتے سپریم کورٹ جائے گی، میاں صاحب جب تک جواب نہیں دیتے پیچھا نہیں چھوڑیں گے، غلط فہمی میں نہ رہیں کہ ہم بھول جائیں گے، جواب بھی لیں گے، لوٹی گئی دولت بھی واپس لائیں گے

Facebook Comments

مزید

نواز ، زرداری نہ ہی عمران خان ، سی پیک منصوبہ اصل میں کس کا آئیڈیا تھا؟ایسا دعویٰ سامنے آگیا کہ سب کہ منہ کھلے کے کھلے رہ گئے
پاکستان میں دہشتگردوں کی فنڈنگ میں کون ملوث ہے؟ وزارت داخلہ کے چونکا دینے والے انکشافات
بھارتی سفارت کار ،حافظ سعید کاناقابل یقین بیان سامنے آگیا
ٹویوٹا نے 58 لاکھ کاریں واپس بلالیں، وجہ بھی سامنے آگئی
پاکستان کے اہم ترین شہر میں خطرناک وباپھیل گئی ، 9بجے جاں بحق
پانامہ کیس کی سماعت ، عمران خان انتہائی مایوس ہوگئے