ایپل کے ایپ سٹور پر ایپس کی فروخت میں 40 فیصد اضافہ

ٹیکنالوجی کمپنی ایپل کا کہنا ہے کہ گذشتہ سال 2016 میں اس کے ایپ سٹور کے ذریعے اپنی ایپس فروخت کرنے والوں کو ریکارڈ منافع ہوا ہے۔
ایپل کے ذریعے ایپس فروخت کرنے والوں نے سال 2016 میں ریکارڈ 20 ارب ڈالر کمائے جو کہ گذشتہ سال کی نسبت 40 فیصد زیادہ ہے۔
اس دوران سب سے زیادہ فروخت ہونے والی ایپس میں گیمز تھیں جن میں پوکے مون گو اور سپر ماریو شامل ہیں۔
خیال رہے کہ 2008 میں جب ایپ سٹور پہلی بار متعارف کروایا گیا تھا تب سے ایپس بنانے والوں کو کل 60 ارب ڈالر کی آمدن ہوئی ہے جبکہ صرف گذشتہ سال انھیں 20 ارب ڈالر کی آمدن ہوئی۔
جیک ڈا کے اعلیٰ تجزیہ کار جان ڈاسن نے اس اضافے کی وجہ نئی طرز کا کاروبار بتائی ہے جس میں لوگ اپنے آئی فون یا آئی پیڈ پر مفت گیم ڈاؤن لوڈ کرتے ہیں اور پھر اضافی فوائد اور فیچرز خریدتے ہیں۔
گذشتہ سال ایپل نے سبسکرپشن ایپس جیسے کے نیٹ فلکس یا ایچ بی او ناؤ کے بنانے والوں کے ساتھ آمدنی کو تقسیم کرنے کے معاہدے کو تبدیل کیا۔
مسٹر ڈاسن کا کہنا ہے کہ سبسکرپشن ایپل کو آئی فون، آئی پیڈ اور میکس کی فروخت کی طرح زیادہ ’متوقع‘ آمدنی فراہم کرتی ہیں۔
ایپ سٹور کے لیے نئے سال کا آغاز بھی خاصا بہتر رہا ہے۔ صرف سال نو کے پہلے روز صارفین نے 240 ملین ڈالر ایپ سٹور پر خرچ کیے۔
سورس: بی بی سی نیوز
شئیر کریں

Facebook Comments

مزید

آئندہ سال ملازمتوں کا ہوگا،خوشخبری آگئی
پاکستان میں فائیو جی ٹیکنالوجی ، بڑی خبر آگئی
سمارٹ فون صارفین ہو جائیں تیار !بیٹری لیول کے ذریعے آپ تک پہنچنا آسان!
جعلی کالزکرنےوالےہوشیارہوجائیں،ریکارڈ طلب ، بچنا مشکل
عوام کی پسندیدہ ترین موبائل کمپنی کی پاکستانی مارکیٹ میں دھماکے دار واپسی کا اعلان
زونگ نے صارفین کیلئےناقابل یقین سکیم کا اعلان کردیا